Is Afraiceach mé (Irish)

I Am An African by Wayne Visser

Irish Translation

Is Afraiceach mé

Ní mar gheall gur ann a rugadh mé

Ach toisc go mbuaileann mo chroí go hAfraiceach

Is Afraiceach mé

Ní mar gheall ar mo chraiceann gorm

Ach toisc go bhfuil m’intinn gafa ag an Aifric

Is Afraiceach mé

Ní mar gheall ar go bhfuil cónaí orm ar an talamh sin

Ach toisc go bhfuil m’anam sa mbaile san Afraic.

Nuair a dhéanann an Aifric gol i ndiaidh a clainne

Bíonn mo chuid leicne ruaimnithe le deóra

Nuair a thugann an Aifric onóir dá cuid daoine aosta

Cromaim mo cheann le hómós

Nuair a chaoineann an Aifric i ndiaidh a cuid íobairtí

Bíónn mo lámha ceangailte in urnaí

Nuair a cheiliúrann an Aifric a caithréim

Bíonn mo chosa beo ag damhmsaíocht

Is Afraiceach mé

Mar baineann a spéartha gorma an anáil asaim

Agus is geal a bhíonn mo dhóchas sa todhchaí

Is Afraiceach mé

Mar beannaíonn a muintir rómham mar fhine

Is múineann siad brí phobail dom

Is Afraiceach mé

Mar múchann a fiáine mo spiorad

Is bheireann níos gaire do fhoinse na beatha mé

Nuair a bhuaileann ceól na hAfraice sa ngaoth

Ritheann mo chuid fola lena rithim

Is tiontaím imo úscra fuaime

Nuair a ghealann dathanna na hAfraice faoin ngrian

Ólann mo chéadfaí ina tuar ceatha

Is athraítear go pailéad an dúchais mé

Nuair a chloistear macalla scéalta na hAfraice cois tine

Bíonn mo chosa ag siúl ina slite

Is athraítear go lorg coise na staire mé

Is Afraiceach mé

Mar is í cliabhán ár mbreithe í

A chothaíonn críónnacht ársa

Is Afraiceach mé

Mar maireann sí faoi scáth an domhain

Is pléascann sí le lonrachas radánta

Is Afraiceach mé

Mar is í dúchas na todhchaí í

Is aithním gur naofa a cuid bronntanaisí 

Creative Commons 2005

Translation by Eoin Ó Murchú 2010